SuSvim FØ Met.
Til kappingina HS Open 10-11 sept, setti SuSvim stórt føroyskt met í 4 x 50m blandað stafett, fyri mix lið. Nýggja metið hjá teimum er 1,55,28 har gamla metið, ið Ægir átti, var 2,00,47. So tað var ein stór betring hjá okkara svimjarum. Tey, ið svumu vóru, Bjarta í Lágabø rygg 32,33 sek , Róland Toftum bringu 29,25 sek , Alisa Vestergård firvald 29,50 sek og Bartal Debess frí 24,20 sek. Vónandi verður hetta bara eitt av mongum góðum úrslitum framyvir.
Hjartaliga tillukku SuSvim.
SuSvim vil veita eina tøkk til øll, ið vóru við til at stuðla lutaseðlasøluni hjá okkum. Vit vórðu væl móttikin í allari oynni, og er tað ein sonn gleði at uppliva, hvussu væl fólk taka ímóti okkum. Ein tøkk fer eisini til tær fyritøkur og onnur, ið altíð eru við at stuðla.
Sp/F Elian Hansen
Curt Nolsøe
Hitapumpur.fo
Jákup Norðberg
Teknistovan 3D v/Olgar Skorastein
Gullok Svalbard
Leygardagin 30.apríl skipaði Havnar Svimjifelag fyri svimjistevnu í svimjihylinum á Argjum, tað vóru umleið 130 svimjarar, ið luttóku á stevnuni.
Stevnan var skipað soleiðis, at fyrst svomu børn í bólki 1 og 2.
Bólkur 1 eru gentur, ið fylla 7 ár í kalendaraárinum og yngri, og
dreingir, ið fylla 8 ár í kalendaraárinum og yngri
Bólkur 2 eru gentur, ið fylla 8 ella 9 ár í kalendaraárinum, og
dreingir, ið fylla 9 ella 10 ár í kalendaraárinum.
Seinnapartin vóru tað bólkur 3 og 4, ið kappaðust.
Bólkur 3 eru gentur, ið fylla 10 ella 11 ár í kalendaraárinum, og dreingir,
ið fylla 11 ella 12 ár í kalendaraárinum
Bólkur 4 eru gentur, ið fylla 12 ella 13 ár í kalendaraárinum, og dreingir, ið fylla 13 ella 14 ár í kalendaraárinum.
Samlaða úrslitið varð, at Susvim vann svimjistevnuna við ikki færri enn 20 gull heiðursmerkjum, 21 silvursheiðurmerkjum og 18 bronsuheiðursmerkjum.
| Susvim | HS | FS | Flot | Ægir | |
| Gull | 20 | 18 | 8 | 0 | 6 |
| Silvur | 21 | 16 | 4 | 0 | 9 |
| Bronsa | 18 | 22 | 3 | 0 | 5 |
Susvim hevði nógvar svimjarar við, og vóru tey øll sera røsk.
Her er eitt yvirlit yvir tey, ið vunnu heiðursmerkir:
| Gull | Silvur | Bronsa | |
| Bárður Rógvason | 1 | ||
| Dávur Eið | 3 | 2 | 1 |
| Terji Kjærbo | 1 | 3 | 1 |
| Sævar Strøm | 2 | 2 | |
| Jonhard Winther | 1 | 2 | |
| Elias í Lágabø | 5 | 1 | |
| Julia Amona Ludvig | 5 | ||
| Ró Ryggshamar Simonsen | 1 | ||
| Mia Winther | 1 | 2 | |
| William Holm Kilgour | 1 | ||
| Tóta Sofía Gudmundsen | 1 | ||
| Jórun Winther | 3 | 2 | |
| Sissal Rógvadóttir | 1 | 1 | 1 |
| Emma Debes | 1 | 3 | |
| Diana Bech | 1 | ||
| Áron Jónsson | 1 | 1 | |
| Bjarta í Lágabø | 5 | ||
| Amalia Bech Hjelm | 1 | 2 | |
| Viktoria L. Johannesen | 1 |
Øll úrlitini kunnu síggjast her:
https://ssf.fo/wp-content/uploads/2022/05/HS-stevna-April-2022-urslit.html
SuSvim og Varðin Pelagic hava longt stuðulsavtaluna fyri komandi kappingarárini.
Varðin Pelagic hevur verið ein hollur stuðul hjá SuSvim í fleiri ár, og eru vit í SuSvim sera takksom fyri tað.
At ein stór lokal fyritøka letur sín stuðul til ítróttin , er av alstórum týdningi fyri alla oynna. Tað hjálpir okkum at náa okkara málum í framtíðini.
SuSvim og Suðuroyar Sparikassi hava gjørt nýggjan stuðulssáttmála, ið er galdandi fyri tey næstu 3 árini. Suðuroyar Sparikassi hevur verið høvuðsstuðul hjá SuSvim seinastu nógvu árini, og eru okur í SuSvim sera takksom fyri tann vælvilja, ið Sparikassin hevur veitt felagnum. Tað er av stórum týdningi, at okur kunnu hava ein lokalan sparikassa, at verða høvuðsstuðul hjá einum felags ítróttarfelag í oynni. Okur í SuSvim gleða okum til framhaldandi gott samstarv.
Susvim 